|
|
|
|
|
Tódolos
anos, por abril, chega a rula ata Galicia procedente da África
subsahariana (Gambia, Senegal, Mali, Nigeria, etc.). Chega para buscar
parella e para botar dúas roladas de ruliñas que en
setembro voltan a cruzar o Sáhara para pasar o inverno. É
moi común vela, ó mencer ou no solpor, case sempre
en parellas ou en pequenos grupos, comendo sementes nas cunetas
das estradas ou mesmo no medio delas. Moitas veces están
tan ocupadas comendo, que dan a impresión de que non ven
os coches, pero elas, moi acostumadas a este mester, saben erguer
o voo no momento axeitado.
|
15 |
|
As
rulas forman parellas estables durante todo o tempo que pasan connosco.
Túrnanse para chocar os ovos, danlle ós pichóns
o leite que os dous fabrican no bucho, e por se fora pouco, arrúlanse
suavemente para demostrar o seu intenso apaixonamento.
Caracteres
diagnósticos
As
rulas son un pouco máis pequenas que as pombas (Columba
livia), é tamén máis estilizadas, pero aseméllanse
moito na forma xeral do corpo e mesmo na silueta. Os dous sexos son
iguais: cabeza cincenta, parte dorsal do corpo pardo-alaranxada con
pintas negras, e o papo e o peito rosa claro que se dilúe ate
chegar case a un branco no ventre. Un dos trazos máis distintivos
da súa plumaxe son as 3 franxas negras e brancas a ámbolos
lados do pescozo. De máis perto veredes que ten unha mancha
vermella que rodea ós ollos tamén vermellos. En voo
destaca a súa cola negra con marxes brancos, e o contraste
entre as cores pálidas das partes ventrais e as ás cincentas.
Ten un voo rápido e directo, con bandazos intermitentes ós
lados. Aqueles que vivades na liña de costa podedes ter dúbidas
con outra especie de rula, a rula turca (Streptopelia decaocto)
pero, a diferencia da común, pasa connosco toda a vida, e limítase
a vivir en parques e xardíns, gustándolle especialmente
os paseos con palmeiras. Aínda que non aparece nun número
moi elevado, a súa presencia está constatada en toda a costa,
residindo os maiores efectivos nas cidades de A Coruña e Vigo.
A rula turca, é unha especie en expansión. A principios
deste século soamente se coñecía dos seus lugares
de orixe na India e Asia menor, pero en 1930 aparece nos Balkáns,
introducida polos turcos, de aí o seu nome. A partir de
aquí comenza a súa expansión por Europa occidental:
chega á Gran Bretaña na década dos 50, en 1960
vese en Asturias por primeira vez en España, e no ano 1973,
o ornitólogo ferrolá X. Rodriguez Silvar constata a
súa presencia na súa cidade, rexistrándose nese
mesmo ano tamén na cidade de A Coruña. Anos máis
tarde chegará a Vigo. No seguinte cadro comparativo podedes
ver os principais caracteres diagnósticos das dúas especies |
|
|
Rula
común
|
Rula
turca
|
16
|
16
|
Dorso
pardo con manchas escuras
|
Dorso
pardocincento sen manchas
|
3
franxas negras no pescozo
|
franxa
negra no pescozo
|
Peito
rosa e ventre branco
|
Peito
e ventre cremosos
|
Cola
negra con marxes externos brancos
|
Cola
negra coa metade externa branca
|
Hábitat:
zonas abertas con arboreda e arbustos, campos de millo, frecuente
nas cunetas, soutos das beiras dos ríos, etc.
|
Hábitat:
tipicamente urbano, parques e alamedas de vilas e cidades
|
Frecuente
en toda Galicia ata os 1000 m.
|
Frecuente
na costa e áreas limítrofes
|
Canto:
os machos arrolan ou rosman un “rrrrrruuuu” constantemente
|
Canto:
un rítmico “u, uuuu, ú” de tres notas, repetido en series
longas
|
Estival
|
Sedentaria
|
|
|
|
|
|
|
|
O declive da rula
As rulas non están a vivir os seus mellores momentos. Non se
sabe moi ben a causa, pero o certo é que dende os anos 40,
o descenso no número de efectivos reproductores e xeralizado
en toda Europa e norte de África. En lugares como Holanda,
estímase que nos últimos 60 anos diminuíu a poboación
de rula entre un 20 e un 50%. En Galicia, e no resto da península
Ibérica, o descenso é moi acusado dende 1984.
As
causas concretas da regresión da especie non son ben coñecidas.
Suponse que poden ser un conxunto de factores que afectan ás
rulas tanto na área de cría (neste caso Galicia) como
na área de invernada (África subsahariana). No que
respecta á área de cría, este descenso podería
estar motivado pola destrucción do hábitat, sobre
todo pola desaparición das sebes e franxas de arboreda lineais,por
mor das concentracións parcelarias e de montes. Outras causas
poden ser o declive da agricultura cerealista e o emprego de herbicidas.
Respecto a este último factor, desde os últimos anos,
estanse a empregar masivamente herbicidas, tanto de translocación
como de contacto, sobre as cunetas das estradas e das vías
ferreas, co fin de controlar as malas herbas e evitar os incendios.
Isto produce dous efectos: por un lado mata as malas herbas, que
son a principal fonte de sementes na dieta da rula, e por outro,
ó tirar as follas, é moito máis sinxelo para
os depredadores acceder ós seus niños. Nunha viaxe
en tren Santiago-Vigo, que fixemos na primavera do ano 1994, puidemos
constatar como, despois da aplicación dun herbicida, era
relativamente doado ver os niños das rulas cos ovos ó
longo do arcén.Tampouco podemos esquencer a posible mortandade
producida pola inxestión destes productos.
Por
outro lado a rula é unha especie cinexética. En España
cazábanse por miles cando pasaban pola península con destino
ós países de Europa septentrional. En determinadas
zonas de España, como Navarra e Euskadi, en abril, os cazadores
apostábanse para abatelas naquelas zonas de paso onde os
grandes bandos se pousaban para beber.
Nos lugares de cría, como Galicia, vense sometidas a unha
presión de caza tamén grande, sobre todo na media
veda, que é o tempo no que os adultos xa remataron, hipoteticamente,
as labouras de cría da última rolada de pichóns.
Simplemente un dato; como mínimo o 11% dos niños se
perden pola morte dos reproductores na media veda. Polo que o calendario
das medias vedas non está moi acompasado co calendario reproductor
das rulas.
É
probable que as principais amenazas residan nas súas zonas
de invernada, onde podería verse afectada pola seca e o emprego
de insecticidas organoclorados. En calquera caso, faltan evidencias
concluíntes.
No "Libro rojo de los vertebrados de España"califican
á rula como especie vulnerable, e propóñense
unhas medidas de conservación como són:
- Adecuada
xestión dos ecosistemas agrarios, potenciando a conservación
das sebes.
- Mantemento
de cultivos cerealistas, e os arbolados, especialmente nas ribeiras
dos ríos.
-
Prohibición da súa caza en España por un
período de catro anos ou inicio máis tardío
das medias vedas.
- Limitación
no uso de herbicidas e insecticidas.
|
|
|
|
|
|
|
Sinais
Temos que constatar a presencia ou ausencia da rula nas distintas
localidades. Para esto deberemos estar atentos a dous sinais: por
un lado ó contacto visual, e por outro, o canto nupcial dos
machos, o que en galego se coñece como RULAR
(facer clic aquí para escoitar).
Normalmente
o sinal do canto é o primeiro que se detecta, aínda
que moitas veces non é así. Debedes estar moi atentos
sobre todo a finais de marzo e durante todo o mes de abril. As primeiras
aves que chegan onda nós parecen estar un pouco despistadas.
E moi usual velas nos cables da luz ou do teléfono, tanto
soas como en parellas ou en pequenos grupos. De seguido póñense
a buscar parella: fan unha parada nupcial de pavoneo e logo os machos
defenden os territorios rulando. En Galicia, como no resto de España,
poñen dúas roladas e a primeira posta realízase
principalmente en maio e xuño. A incubación dura uns
15 días e ós 20 días de nacer os pichóns
abandonan o niño. Posteriormente inician unha segunda rolada
que botan a voar na primeira quincena de agosto. Durante todo o
verán poderás ver ós pichóns froito
destas unións. A diferencia dos adultos, non posúen
franxas negras no pescozo, e a cor do seu corpo é, en xeral,
parda con manchas escuras no dorso das ás.
|
|
17
|
A
data na que deixan o noso país é tamén importante,
e por isto, debedes estar ben atentos. Neste caso o sinal visual é
o único que nos vale, pois xa deixan de rular bastante antes
de emprender o voo de regreso. Normalmente, ten lugar durante a segunda
quincena de agosto e a primeira de setembro, aínda que poden
verse exemplares a principios de outubro. Cando se preparan para marchar,
soen agruparse en cables da luz. Nesta época aconséllase
un rexistro visual diario e apuntar o día que vimos ás
rulas por última vez.
|
|
Enlaces
Caracteres
diagnósticos:
Existe
todo un comité de investigación en rede para tratar
o problema do declive da rula
Debuxos
de rulas:
|
|
|
|
|
|